اهلا بكم اعزائى شاهدنا بالامس ماحدث فى مباراة الاهلى
 ........ من المؤكد عرفتم عما سوف اتكلم ولكن الصورة وحدها تعبر عما سوف اقوله فهو مصرى يهان ويضرب من التونسيين بحماية الضباط المصريين ......خليسنا نتكلم بالعامية احسن يعنى ده لو كان واحد قريبه بيضرب كان هيفضل واقف كدة ولا تصدق ده لو كان ابنه كان راح ضرب معاهم دى اوامر جاياله من فوق (لما الضرب يشتغل فينا متدخلش والا؟؟؟؟؟؟؟؟) لاننا طبعا البلد الام والكبيرة واللى لازم نتحمل والكلام بتاع المنافق مدحت شلبى ده اللى يوم ماتش الجزائر اعد يولعها وطلع فى الاخر وقلك احنا الكبار والافلام الهابطة دى .... ربما هتردوا وتقولوا دول سفلة . لا هما مش سفلة احنا اللى نستاهل يجرالنا اكتر من كدة فبفضل حكومة مبارك اصبح المواطن المصرى بلا ادنى كرامة فلا تستعجب لما ييجى شوية زى دول ويضربوك فى بلدك والشرطة واقفة بتتفرج .... ولو كان مشجع مصرى راج دافع عن نفسه او الراجل ده حاول يمد ايده عليهم هيطلع عين اللى جابوه ... فشكرا يامبارك انت وحكومتك على ما قدمته لنا طوال فترة حكمك والمجهود العظيم الذى بذلتموه للارتقاء بالمواطن المصرى ... والى اهانة اخرى القاكم على خير